34
Dies und das auf Halterner Platt
Ferientied,härrlickeTied.För demeesten van us gi t nicks Schöeners
in’t Jaohr äs wann se för twee o dreiWirken de Huusdöer ächter sick
a schluten un wechföehrn drürft. Ook wann se, bevör dat met de
A reise endlicks so wiet is, allerhand te ürwerleggen un organiseern
hä t.
Eent van de Probleme, de vör socke Urlaubsreisen te lösen sind, is
de Fraoge, wohen met de Huusdiers. Miene Naoberschke stonn vör
nich allste lange Tied genau vör dütt Dilemma. Se wull met Mann
un Blagen nao de Costa Brava, o wass dat Gran Canaria? Eendohn,
ick häbb ähr äs Naober düsse Reise hirtlick günnt. Wenniger poss
mi, dat se upmaol up den Infall kamm, mi för drei Wirken ähren
Papagei in Plirge te girben. Utgerirknet mi!
We miene Naoberschke kennt, een recht reselveert Fraumensck, de
weet, dat ähr nich licht een Wunschk a teschlaon is. Un äs Naober
hätt usseene jao ook sowat äs Plichten. Ick häbb mi daorüm nich
truut,„nee“ to ährenWunschk te säggen. Ähr dat ick mi versaog, harr
ick dat Dier met sienen Kä g up mien Kürkenschapp staohn.Miene
leiwe Naoberschke hätt mi stunnenlang haorkleen beliekteekt, wat
ick alls maaken möss, wann ick den Vurgel wat wuvull te foern härr
un so widder. Se hätt dat Dier antlest dör dat Gitter no een Müülken
girben un wech wass se.
Dao stonn ick nu met mienen Ferien-Plirgevurgel. Et hanneln sick
üm een witt Dier ut de groote Sittich-Famillge, wat up den schöenen
Naomen „Nero“ häörn dai. Birter utdrückt, wo’t nich drup häörn dai.
De Naome Nero harr wull wat met den Charakter van dat Dier te
dohen. Üm ährlick te sien, de drei Wirken met düssen dierischken
Huusgenossen wäören för mi eene Horrortied.
Irstan gong alls leidlick gurd. Dat Dier hätt gurd frirten un manks
ook drunken. Et wass recht lebennig in sienen Kä g. Bloß an den
Dreck un Vurgelsand in miene Kürke moss ick mi irst gewürnen.
Ook an dat Geschrei, wat de Vurgel manks unmotiveert losslait. Van
den spassigen Rüek, we socke Huusdiers an sick hä t, will ick leiwer
gar nich küern.
Nao gurd eene Wirke harr dat Dier upmaol keen Apptiet mähr, satt
luerig up siene Stange un ga kuum no Töne van sick.Wier een paor
Dage läter hätt he nich äs mähr frischke Schlaotblaer frirten. He
stack den heelen Dach lang sienen Kopp unner de Flittken. Ook een
ornithologischken Laien äs ick konn dütlick mirken, met den Vurgel
wass wat nich in Uorder.He saog Dach för Dach ümmer mähr krank
un malatt ut.
Ick häbb mi Surgen üm dat Dier maakt. Nicht dat mi persönlick
wat an em lirgen härr, dat nich. Ick häbb nu maol för Huusdiers nich
vull ürwer. Män ick moss ümmer an miene reselveerte Naoberschke
denken. Wu konn ick de nao ähren Urlaub wull unner de Oogen
träen, wann ähr Nero in miene Plirge ingaohn war? Düsse Surgen
häbbt mi twee Wirken lang harre te scha en maakt. Ick häbb de
Dage tellt, büs de Naoberfamillge ut Spanien trüch kamm.
Upmaol stonn de Naoberschke vör deDöer.Se is forts inmiene Kürke
stürmt un hätt ähren Nero hirtlick begrüßt, wier met’n Müülken dör
de Trallgen. Un wat sall ick säggen? Dat döesige Dier wass up eenen
Schlach putzmunter, hätt piept un krakeelt un is in sienen Kä g
angaohn äs unwies. För mi wass dat sowat äs een Wunner.
Miene Naoberschke hätt mi wahne lurwt un för dat Vurgel-
Uppassen eene Pulle spanischken Brandy inne Hand drückt. Vör
ähren naichsten Urlaub möss se sick jao keene Surgen mähr maaken,
sach se. Se wüss jao nu, dat ick een Händken för Huusdiers härr.
Heinz Kallho
Glossar:
Huusdier - Haustier
Naoberschke – Nachbarin
utgerirknet – ausgerechnet
reselveert – resolut
kürkenschapp – Küchenschrank
haorkleen – haarklein
beliekteeken – genau erklären
Rüek - Geruch
Müülken – Kuss
Schlaotblaer – Salatblätter
Flittken – Flügel
malatt – elend
Trallgen - Gitterstäbe
