34
Stadt-Gutschein | 12. November 2016
Dies und das auf Halterner Platt
Ick dra wull annirmen, dat de meesten Hälterschken Lirser
wirt’t, wat „Klimpermännkes“ sind. Klimpermännken (ennigen
sächt ook Klingelmännken), dat is een Spirl, wat wi all in miene
Blagentied faken* un gärn spirlt hä t, ick un de annern Blagen ut
usse Naoberschop.
Daobie sin ick mi vandage eegentlick gar nich mähr so sirker, o
et sick daomaols üm een Spirl hannelt hätt o villicht üm grurwe
Undocht*. Up alle Fälle hä t in miene Blagentied de erwassenen
Lüe manks recht vernienig* drup reageert, wann wi aobends in’t
Düstern daomet tegänge wassen, se ut ähre Buden te klingeln un
daomet te öwen*.
Dat hett, eegentlick konnen wi daomaols an de wennigsten
Döern klingeln. Et ga näömlick inne füftiger Jaohren, to miene
Blagentied, in usse Girgend no wennig elektrischke Klingeln.Män
wi wussen us te helpen un hä t an de Huusdöern kloppt o so lang
rappelt, büs dat de Lüe Lecht mooken, ruutkammen un naokeeken,
wat dao loss wass. Un wi dann nicks äs wech …
Dütt Spirlken is ook vandage no nich ganz ut de Mode kurmen.
Dat häbb ick vörrige Dage wier faststellen mosst. Aobends tirgen
half sirben, et wass all düster, hätt et upmaol an miene Huusdöer
Sturm klingelt. Ick natürlick hen und dach mi wünners wat. Män
so vull ick ook keek, dao stonn nümms vör de Döer! Daoför konn
ick owwer nich wiet wech, in eene düstere Ecke, dütlick Blagen
kichern häörn.Üm ähr den Spass te laoten, häbb ick wahne irgerlick
drinkirken un de Huusdöer antlest met Kattun* toschmirten.Wann
all Klingelmännken, dann ook so, dat de Blagen Spass dran hä t.
Ick wass män kuort wier in mienen Wuhrnsturwen sitten gaohn,
dat klingeln dat all wier anne Döer, twee – drei – veer maol.
Klimpermännken hen o här, wat te vull is, dat is te vull. Ick häbb
mi daorüm nich an dat Klingeln stört un sin eenfack sirlenrühig up
mien Kanapee sitten blirben. Mi ölleren Mann egaolwech aobends
up Trapp te hollen, dat Vergnögen wull ick de Naoberblagen dann
doch nich günnen.
Eene Stunne vergong, alls bleef rühig. Büs upmaol – kurt vör de
Tagesschau - mien Telefon klingeln dai. Een ollen Arbeitskollegen
van mi wass dran. De wurnt nu in Mönster, un ick häbb em wull all
drei o veer Jaohr nich mähr saihn. He wär vörhen tofällick bi mi
vörbie kurmen un härr anklingelt, üm mi gurden Dach te säggen.
Worüm ick dann nich lossmaakt härr? He härr doch Lecht in
mienen Wurnsturben saihn, daorüm möss ick doch ant Huus wirst
sien. O ick wat tirgen em härr? Schöen wär dat up alle Fälle nich
van mi, so seltenen Besöek eenfack vör de Döer staohn te laoten.
De Saake wass mi recht schaneerlick*. Ick häbb ant Telefon direkt
eenen rooden Kopp krirgen, mi wat terechte sturtert un versocht,
em de Saake met dat Klimpermännken te verkläörn. O he mi
dat a nurmen hätt o nich, ick weet’t nich. Villicht verstaoht ih
jao, leiwe Lirser, dat ick up de Klimpermännkes-Blagen ut miene
Naoberschop vandage ümmer no nich gurd te küern sin, o schonst*
se jao eegentlick gar nicks för mienen Firler konnen.
Heinz Kallho
* ) Erläuterungen seltener Begri e:
Undocht = Unfug
faken = oft
vernienig = wütend, ärgerlich
öwen = necken, ärgern
met Kattun = mit Wucht o. Schmackes
schaneerlick = peinlich, genant
o schonst = obwohl
