26
Dies und das auf Halterner Platt
Ick dra wull annirmen, de meesten Lirser is et ook all manks
upfallen, dat Manns- un Fraulüe in een un de sölwige Situation ganz
unnerscheidlick reageern kürnt. Hier een Bispirl, wat ick nülick bi’t
Sitten in’t Wochtezimmer van eenen Dokter in eene klooge Tiedung
funnen häbb. In de Illustrierte was dat natürlick hoogdüütsck
schrirben. Ick häbb’t äs in usse plattdüütschke Spraoke ürwersett’t.
Et draiht sick üm eenen kleenen hüüslicken Unfall:
Fraulüe, we sowat tostött, denkt sick „aua“, stirkt den Finger spontan
inneMuule,daomet dat Bloot nich up dat frischkeDisckdook o up’n
Teppich drürpeln kann. Dann nirmt se ut dat A thekenschäppken
in’t Badezimmer met de annere Hand een hennig Heftplaoster,
klirwt et ürwer de Wunne, gaoht wier an ähre Arbeid un vergirten
is de Saake.
Mannslüe met dat sölwige Mallör schrait twirs dör’t ganze Huus
„Sch….“, streckt de Hand wiet van sick un roopt üm Hölpe. In
de Tüschkentied drürpelt dat Bloot un et gi eenen grooten roden
Plecken up’n Wuhrnstuobens-Teppich.
Dann mott he irst äs sitten gaohn, wirl dat em dat so binaut in sienen
Kopp wett. Wann Hölpe kümp, verkläört he de met een Birwern
inne Stimm, dat he sick bolle de halwe Hand amputeert härr. Dat
anbuodene Plaoster willt he nich häbben. He meint näömlick, för
socke groote Wunne wäör dat vullste minn. Dann schlött he in’t
Gesundheitslexikon nao o kick in’t Internet, wuvull Blootverlust
een dörschnittlick Mannsmenschk ürwerlirben kann. Siene Frau
mott dann forts loss suusen un inne A theke dat gröttsde Plaoster
koopen wat dao is.
He puult un föehlt so lange an deWunne rüm, büs dat de wier anfäng
te blooden. Wann siene „birtere“ Hälfde dat olle Plaoster vörsichtig
a mäck un een nieet drupklirwen will, wimmert un stürnt he vör sich
hen un ürwerlech, o he daomet nich leiwer inne Notfallambulanz
in’t Krankenhuus gaohn söll. Äs A enkung un „Trost“ dra he sick
dann dat Fußballspirl in’t Fernsehn live ankieken, obschonst siene
Frau an düssen Aobend vull leiwer Rosamunde Pilcher kieken dai.
Un inne Tüschkentied rubbelt un schrubbt se an den Blootplecken
up’n Teppich rüm, we so schlecht ruut gaiht.
Vör den Fernseher stürnt he manks vör sick he nun verlangt nao
eene Pulle Beer. Äs Middel tirgen siene Piene, de kuum uttehollen is.
A un to kick he vörsichtig unner dat Plaoster, üm te saihn, o dat
villicht wier anfäng te blooden.
Den naigsten Dach up de Arbeit klaut he sick ut dat Betriebs-Irste-
Hölpe-Schapp eenen Mullverband un lött sick van siene Sekretärin
de Hand bandageern. Et döet em wahne gurd, wann se em daobie
püschket un Metleed met em hätt. An praktischke Arbeid is för
em an düssen Dach met siene bandageerte Hand natürlick nich te
denken.
Aobends is he all wier halfwechs up’n Damm, gaiht nao’t Kirgeln
un vertellt dao siene Kirgelbröer haorkleen, dat een Kärl äs he ürwer
socke Kleenigkeit äs den schwaoren hüüslicken Unfall eegentlick bloß
lachen könn un nu würklick keen Waort drürwer verlaisen möch.
Heinz Kallho
Glossar:
Dischkdook – Tischdecke
A thekenschäppken - Apothekenschränkchen
hennig – klein
Plaoster – P aster
Malör –Malheur/Unglück
sitten gaohn – hinsetzen/Platz nehmen
binaut - beklommen
obschonst - obwohl
bandageern – bandagieren
püschken - streicheln
Metleed - Mitleid
Kirgelbröer - Kegelbrüder
