38
Dies und das auf Halterner Platt
Wi allbineen hä t up düsse Welt usse krassen, wann wi bestaohn
willt. Dat hätt miene Moder fröher all faken sächt. Un met düsse
Lirbensweisheit harr se wisse nich unrecht.
Jüst üm düsse fröhe Hiärwsttied wass näömlick in miene Blagentied
dagelang dat Kartu elkrassen ansächt. Ook bi us ant Huus, wirl dat
wi näömlick daomaols no eenen Muorn Land in Pacht harrn, wo
Äerappeln drup anbaut wuorn.För de kleenen Lüe in de daomaolige
Tied wass dat Kartu elutmaaken eene hatte un schwaore Arbeit.
Dehen, we vandage bloß no vullautomatischke Kartu elroder
kennt o ähre Äerappeln pundwiese in’n Supermarkt koopt, kürnt
sick daovan gar keen Beld mähr maaken.
Owwer ick will vandage van een ganz anner Krassen küern. Wat
mi nich wenniger hatt un schwaor vörkamm. Dagelang häbb’ke mi
nu de Finger blöederig krasst, daobie unchristlick öekt un etlicke
Drurpen Schweet vergurten. Un dat kamm so:
Bi mi ant Huus moss de groote Wuhrnsturben nie anstrirken
wärn. De olle Tapete satt nu all etlicke Jaohren un wass met de
Tied wahne naodunkelt. Et holp alls nicks, de Anstrieker moss
kurmen. Nu sind socke Handwirker jao vandage düer genoog.
Daomet de Rirknung nich allste hooge wett, mott usseene sölwst
met anpacken. Obschonst mi dat eegentlick nich so lich. Owwer
ick moss dat ürwernirmen, de ollen Tapeten a tekrassen. Wat jao
bekanntlick een Kinnerspiärl sien sall. Dat häbb ick wennigstens
dacht.
Män eitepiepen! Dagelang häbb ick krassen un krassen mosst,
üm de olle Tapete tzelkeswiese runntertepuulen. Emmerwiese
häbb’ke Water met’n Wittelquast an de Wänne splentert un dat
Gerai schöen sappkig natt maakt. Vull nutzt hätt et mi nich.
Et wass jao nich dat irste Maol, dat bi us ant Huus anstrirken wuor.
Un Tapeten a rieten wass mi daorüm nich nie. Fröher konnen wi
de Tapeten bahnenwiese ant Stüeck van de Wand trecken. Hier un
dao äs met’n scharp Spachtelmess een birtken naohelpen, un ferrig
wass de Arbeit. Owwer fröher härrn wie alltied Tapeten van de
billigen Suorten. Dao gong dat Krassen lichter vanne Hand. Män
bi dat lesde Tapezeern vör etliche Jaohrn hätt us de Malermester
to eene birtere Suorte raoden, dreilagig un a waschkbar. Härrn wi
män nich up den Fackmann häört! Jüst düsse a waschkbaren drei
Lagen hä t mi nu düsse Arbeit maakt. De bürwerste Lage namm
gar keen Water an. Ick moss dat Papeer möhsam a krassen. Dann
kammen de beiden annern Lagen ant Lecht, un de hä t kliärwt äs
Kattendreck: Ich kürnt uh villicht vörstellen, dat mi bi düsse Arbeit,
we so gar nich vöran gaohn wull, ussen Wuhrnsturben so groot
vörkamm äs een Danzsaol.
Antlest wasst dann doch gedaohn, un de Härr Maolermester konn
kurmen. He hätt sick mien Wirk bekirken, schüttkoppt un een
birtken meckert, wirl dat ick em de Wänne nich sauber genoog
a krasst harr. Dann sach he mi so nirenbie, un dat härr mi bolle
ümhaun, för dat Tapetena maaken härr he een Spezialgerät.
Daomet göng dat so licht äs män wat. Härr de Kärl mi dat nich een
paor Dage vördem säggen konnt?
För düttmaol hätt he mi wier eene düere, mährlagige Tapete
anraoden. De sitt nu anne Wand un süht gurd ut, alls wat recht
is. Owwer wann se in een paor Jaohr vör’t näigste Tapezeern wier
runner mott, dann sall se a krassen we will, bloß ick nich!
Heinz Kallho
Glossar:
faken – oft
Hiärwsttied – Herbstzeit
Äerappeln – Erdäpfel = Karto eln
Kartu elkrassen – Karto eln ernten = aufsammeln
Flöeken - uchen
blöederig – blutig
Kinnerspiärl – Kinderspiel = leicht
tzelkeswiese – stückchenweise
Spachtelmess - Spachtelmesser
bürwerste - oberste
Danzsaol - Tanzssaal
schüttkoppen – den Kopf schütteln
