34
Dies und das auf Halterner Platt
Usseene hätt in sienen Wirkena oop faste Gewurnheiten. To düsse
Rituale häört ook all jaohrelang de Inkoop saoterdachs muorns. Ick
könn äs Rentner ook gurd un gärn an annere Dage in den Supermarkt
gaohn, owwer ick häbb mi dat nu maol so angewürnt. Leider Gotts
höllt dat ’ne Masse annere Lüe jüst so, un darüm is’t saoterdachs nao
tein Uhr meest recht vull in den grooten Supermarkt.
So äs ook lesden Saoterdach. Ick moss män bloß gau een birtken
Upschnitt haalen, süss nicks. Män äs ick de Menschkenschlange vör
de Fleeschktheke saoch, dao wass’ke all bedaint. Lüe dicht an dicht,
de meesten met gestressten Gesichtsutdruck.Van de beduernswärten
Verkööperinnen ächter den resen gar nich te küern.
Forts vör mi in de Schlange stonn een Fraumenschk met eenen
dicken Norwegerpullover an, midden in’n Summer. De gong ähr
büs anne Knaie. Ähre Frisur saoch ut äs wann se jüst ut ähr Berre
krurpen wär, poss owwer gurd to de Nickelbrille. Anne Föete harr se,
wu konn’t anners sien, utlatschkete Birkenstock-Sandalen. Kurtüm,
een Fraumenschk wat den Indruck mook, äs wann’t vandage no de
Welt verbirtern wull.
Wat mi jao eegentlick eendohn sien konn. Män wat mi een lück
kribbelig maakt hätt, dat wass de Ümstand, dat düsse Dame wull
mähr äs ’ne Veerdelstunne in de Schlange wochtet un sick daobie
gurd met ähre Naoberschke unnerhollen hätt, owwer, äs se endlicks
anne Riege kamm, nich wuss, wat se koopen wull. Se fong irst an
naotedenken, äs de fröndlicke Verkööperin ähr froch, wat’t dann sien
söll .De Schlange ächter us wuor ümmer länger …
Wuorst wull se häbben un Parmaschinken un Pasteten, un süss
no allerhand Saaken. Wat nich widders schlimm wirst wär, wann
se nich bi alle Deele naofrocht härr, o dao ook Rind eeschk in
wär. De Bedainung ächter de eke hätt ähr met Engelsgeduld
Antwaort girben. Bi de annern Lüe in de Wochteschlange kamm all
Volksgemurmel up.
De Krönung wass de Fraoge bi den Parmaschinken: „Ist das Rind?“
Dao wuor et sölwst de Verkööperin te vull. Rinderschinken härrn
se silirwedach nao nich hatt, sach se met een birtken Vernien inne
Stimme. Owwer de Kundin könn jao in de Liste naokieken, we för
düssen Tweck up de eke lach. Wat se ook minutenlang daon hätt.
De Schlange ächter us wass wull all geföhlte füftig Meter lang.
Ick häbb bloß no drup wochtet, dat se Fleeschkwuorst aohne
Schwiene eeschk häbben wull. Wo doch jedereene weet, dat keen
Menschk weet, wat in Fleeschkwuorst so alls drin is. Een bekannten
Metzgermester hätt mi äs verkläört, ut dat Gerai, wat anföllt,
wann aobends dat Schlachthuus utschrubbt wett, wüör de beste
Feeschkwuorst maakt. Män ick glöew nich, dat de Dame met de
Birkenstöcker för düssen zarten Humor Sinn hatt härr.
Äs ick mi tein Minuten läter in de Schlange vör de Kasse inriehen
moss, we stonn dao wier vör mi? Richtig, de Dame met den
gestrickten Norwegerpulli, twee links, twee rechts. Se hätt sick met
de Kassiererin rümirgert üm een Sunderangebott. O dat nu eens
achtenvettig o achtensessdig kosten dai. Antlest is se in den Laden
trüch loopen, üm persönlick an dat Regal den Pries te kontrolleern.
An düssen Dach häbb ick för mi beschlurten to eene
annere Tied inkoopen te gaohn. Dann wann nich so vull
Weltverbirterer
un
Birkenstöcker
unnerweggens
sind.
Heinz Kallho
Glossar:
Wirkena oop – Ablauf der Woche
Saoterdach - Samstag
Wochteschlange – Warteschlange
saoch ut – sah aus
utlatschket - ausgelatscht
Vernien - Wut
Fleeschkwuorst - Fleischwurst
inriehen – einreihen
rümirgern - herumärgern
unnerweggens - unterwegs
