32
Dies und das auf Halterner Platt
Et is jao inne lesde Tied Mode wuorn, up de Düütschke Bahn te
schimpen. Dat keen Verlaot drup un se selten pünktlick is, dat de
Züge schmäerig un de Bahnhöfe verkuormen sind. Mach alls wull
sien. Ick persönlick föehr höchstens äs a un to met de Bahne.
Daorüm kann ick in düsse Schimperie nich instimmen.
Män nülick sin ick äs wier in Urlaub föehrt, up eene Nordseeinsel,
so äs ick dat meest alle Jaohren do. Natürlick härr ick ook met mien
Auto loss suusen konnt. Män wat sall ick met mien Tö tö up eene
kleene Insel, wo sick alls tefoote o met een Fahrrad a maaken lött?
Daorüm sin ick düttmaol äs wier met de Bahne unnerweggens wirst.
Et hätt alls bestgurd klappt, ook dat Ümstiegen in Mönster. Mien
Platz in den fröndlicken Grootruumwagen wass reserveert un frie.
Ick konnt mi gemötlick maaken, een Book lirsen o dör’t Fenster in
de Girgend kieken. Un a un to in den Bistrowagen gaohn. Üm mi
dao ’n Ko e o een Water te drinken. Nich ganz billig, dat Bistro,
män usseene günnt sick jao süss nicks. So is mi de Zuchföherie in
Tied van nicks vergaohn.DenWerbesprurk vanne Bahn „Urlaub von
Anfang an“, ick för mien Deel kann em tostimmen.
Owwer wat för usseene kommod un angenirm is, dat kann för annern
langwielig sien. So äs för de beiden kleenen Blagen, we met ähre
Omma forts tirgen mi satten. Se kammen ut Köln un wullen up de
sölwige Insel äs ick. Bolle an jede Station int Emsland hä t se ähre
Beßmoder frocht, o wi all dao wärn. Dann harrn se wier Duorst,
wollen wat irten, mossen äs up’t Hüüsken un so widder. Omma wuss
all gar nich mähr, wat se met de beiden no anfangen soll.
Äs wi ächter Lingen wassen un de Girgend so platt äs ’ne Flunder
wuor, dao ga en de leiwen Kleenen gar keene Roh mähr. Se hä t
quengelt un quengelt un wussen met deTied a slut nicks antefangen.
Büs de Omma upmaol up den Infall kamm, se söllen doch äs de
Windräder tellen, we buoten in dat platte ostfriesischke Land te
saihn wäörn. Un dat wassen tatsäcklick nich wennigen.
Je näöger man an de Nordsee kümp, ümso windiger wett dat jao. Un
daorüm staoht de modernen Windkraftanlagen dao dutzendwiese
inneGirgend rümun draiht un draiht sick.So äs groote Spargelpiepen,
bloß met Flittken dran.
De quengelicken Blagen wassen up eenen Schlach hellwack un
fongen an te tellen. Et duern nich lang, dao harrn se den Buogen
ruut. Dat Jüngsken hätt up de rechte Siete tellt un dat kleene Wicht
up de linke. Bi Leer wassen se all ürwer vettig, bi Emden all bolle bi
hunnert un ächter Emden konnen se nich widder tellen. Wirl dat se
so hooge Tallen inne Schoole no nich hatt harrn. Daoför moss de
Beßmoder dann tellen, antlest ook de annern Metreisenden un ook
ick.
Langewiele kamm up düsse Art unWiese nich up.Wi hä t allbineen
de Köppe verdraiht un tellt un tellt. Büs Norddeich Mole härrn wi
mährere hunnert van de grooten Mührlen tesammen. Et wass direkt
scha, dat wi nu utstiegen mossen.
Un de beiden Blagen? De wassen all kuort nao Emden sirlig
inschlaopen.Dao sall no äs eene säggen,dat’m sick bi dat Bahneföehrn
nich bestgurd verhaalen könn. Un ick weet nu endlicks, wuvull
Windkraftanlagen tüschken Lingen un Norddeich staoht. Dat wull
ick doch ümmer all wirten ...
Heinz Kallho
Glossar:
schmäerig – verdreckt
Schimperie – Geschimpfe
Tö tö – kleines Auto
Zuchföeherie - Zugfahren
kommod – bequem
Beßmoder –Großmutter
up’t Hüüsken – auf die Toilette
a slut – absolut
Spargelpiepen – Spargelstangen
scha – schade/bedauerlich
