32
Dies und das auf Halterner Platt
Nülick häbb ick mi för miene Kürke eene nieje Ko emaschine
tolecht. Dat moss sien, de olle harr utdaint, wass kapott un gong
nich mähr te reparejen.Eegentlick scha üm de gurde, olle Maschine,
owwer wat up de Welt höllt för alle Tieden? Schöen un praktischk
an de olle Maschine wass, dat se eene extra Vörrichtung harr, üm
daomet ook Tee kurken te kürnen. Manksen drinkt ook usseene
gärn äs een Köppken Tee.
Äs ick mi nao eenen annern Ko eautomat ümkeek, dao hätt mi
de fröndlicke Verköper in den Laden verkläört, socke Geräte,
wo’m ook Tee met maaken könn, de gö t vandage nich mähr. De
dubbelte Technik wäör te düer un dai sick för de Kunnen nich
rirken. Ick könn owwer bi modernere Apparate eenfack de Teebüels
in de Glasskanne hangen, dat heete Water drürwerloopen laoten un
möss dann bloß ef Minuten wochten. Sotesäggen een Kinnerspirl,
un ferrig is de Tee. Un de härr ook no jede Menge Aroma, so de
Verköper. Ick häbb mi up em verlaoten un de nieje Maschine ko t.
Un de Muorn-Filterko e schmook daomet ook ganz gurd, alls wat
recht is.
Män nülick kreeg ick unverho t Besöek. Nommdachs üm half veer.
Hö ick häbb ick den Besöek anburden, gau Ko e te kurken. Män
dat häbbt de beiden ölleren Lüe dankend a ehnt. Wirgen ähren
Magen un ook de Galle daien se üm düsse Dagestied leiwer Tee
drinken. Indischken o Ostfriesenmischkung, met Kandis drin un
een Drürpken Mirlk. Düssen Wunschk wass för mi keen Problem,
dat Nöedige daoför häbb ick alls in mien Kürkenschapp.
Ick häbb daorüm de nieje Ko emaschine anschmirten, de Büels
met de Ostfriesenmischkung in de Glasskanne hangen un dat heete
Water drürwer drürpeln laoten. Inne Tüschkentied häbb ick en
den Dischk deckt, met Teedassen, de met den güllenen Rand, we
no van miene Moder stammt.
Dann wass de Tee dörloopen un ick konn ’ne mienen Besöek
kredenzen. Bi’t Ingaiten foll mi all up, dat he düftig stark wuorn
wass. Wennigstens duch mi dat so. Män ick häbb mi widders nicks
daobie dacht. Äs de beiden ölleren Teedrinkers ähren Kandis un
de Mirlk ümröhrt un een Schluck drunken harrn, häbb ick hö ick
frocht, o äöhr de Tee schmaaken dai. Se keeken mi een birtken
spee an un hä t rümdruckst.
Dat kamm mi all spanischk vör. Owwer äs ick sölwst eenen Schluck
nurmen harr, dao wuss ick ook worüm se so gediegen keeken.
De Tee schmook nich nao ähr un nich nao em, äs’m so säch. Un
siene Farwe in de Dasse wass recht spassig, mähr so dunkelbruun-
schwatt-meliert. Üm ährlick te sien, ick härr keenen twedden
Schluck van düsse unde neerbaore Brühe runnerkriegen konnt.
Ick sin gau inne Kürke loopen un dann ook ielig drächter kurmen,
wat passeert wass. In de Ko emaschine satt näömlick no de
Papeer lter van mienen Fröhstücksko e, büs burben vull met
Prütt. Dör düssen bruunen Prütt wass dat Water loopen un
harr sick inne Kanne met den Tee mischket. Eene aparte
Geschmacksvariante!
So schaneerlick för mi äs Gastgirwer de Saake ook wass, wi – mien
Besöek un ick – häbbt no hirtlick drürwer lacht. Män wann de
Beiden mi dat naichste Maol besöeken kurmt, ick glöef nich, dat se
sick wier Ostfriesentee to de Ko etied wünschket.
Heinz Kallho
reparejen – reparieren
scha – schade, bedauerlich
een Köppken – eine Tasse Ka ee oder Tee
Teebüels – Teebeutel
Drürpken – Tröpfchen
Kürkenschapp – Küchenschrank
drürpeln – tröpfeln
spee – unsicher
unde neerbaor – unde nierbar, merkwürdig
Prütt – Ka eesatz
schaneerlick – peinlich
