40
Dies und das auf Halterner Platt
Nee, wat wass dat inne lesde Tied wier eene natte Kölde. Daobie
is dat jao bloß natürlick för düsse Jaohrestied, dat de Tempraturen
unner Null fallt. Ook för de Natur, de Planten un de Diers is’t
birter, wann’t ’ne tiedlang düftig Fuorst gi . Bloß för mi persönlick
nich, ick häbb näömlick dat Fraisen nich so gärn. Besünners nich
in miene Wurnung. Wann ick de Heizkörper in alle Sturben büs
anne Krücke lossdraien mott un in mienen Keller van muorns büs
aobends de Heizung löpp, dann denk ick manks met Surgen an
miene naigste Gassrirknung. De Lüe bi usse Stadtwirke, de kurmt
in düsse Winterwirken för Lachen nich i’n Schlaop. Ähr Geschäft
blaiht nu.
Üm nich te harre te fraisen, häbb ick mi nu up een old Huusmiddel
besunnen, wat all miene Moder vör Jaohren winterdachs alltied
praot liggen harr. Daomaols äs jungen Spund häbb ick keen
Verständnis upbracht för ähr Dohen. Jao, ick mott togirben, dat ick
äs jungen Kärl sogar Witzkes drürwer maakt häbb, wann Moder
aobends met eene Wärm aschke nao Berre gong.
Moder harr näömlick alltied wahne Last met kolle Beene un Föete.
We dat kennt, de weet, dat man daomet ganz schwaor in’n Schlaop
nnen kann. Se lach daorüm ook manksen met iäskolle Küten wack
un hätt sick drürwer iärgert, wann Vader tirgen ähr schnurkt hätt
un ganze Büschke dörsaacht. Owwer met de Wärmpulle, schöen
upfüllt met heet Water, hätt se dann ähre kollen Föete upwirmen
konnt un so in den wullverdainten Schlaop funnen.
Vandage kann ick ürwer sowat nich mähr lachen. Je öller ick nu
wär, un manksen föhl ick mi all ganz schöen old, ümso mähr
häbb ook ick Last met kolle Beene. Dat mott wull sowat äs een
old Familgenlieden sien. Besünners wann Schnai inne Lucht lich
häbb ick faken dagelang dat Geföehl Iästappen inne Schohen te
häbben. Dao helpt mi keene schaopswullenen Söcken un ook keene
kamuckenen Stirwel met Binnenfoer.
Owwer eene Wärm aschke helpt meestied. Aobends, wann ick
in’t Berre gaoh, lech ick mi dat wabbelige Gummidingen unnen an
mien Footenne, so dat ick met miene Quanten gurd dran kurm. Un
dann duert et meest nich lang, un de Wärme stich in mi up. Meest
schlaop ick dann drürwer in.
An besünners kolle Winterdage lech ick mi de Pulle ook wull in’t
Krüüß, wann ick aobends vör de Flimmerkiste in mienen grooten
Sessel sitt. Ook dat döet gurd, alls wat recht is. Ick häbb ook all
äs son modern Körnerküssen utprobeert, wat män bloß twee, drei
Minütkes inne Mikrowelle heet maaken wärn mott. Owwer dat
geföllt mi nich so gurd, dat Küssen köehlt näömlick gau wier a un
rück so spassig – so äs fröher bi Tillmanns inne Schnapsbriännerie.
Nee, et gaiht nicks ürwer de gurde olle Wärm aschke. Nu irst
weet ick dütt Huusmiddel richtig te schätzen. O dat een Teeken
daoför is, dat ick nu old wär? Ennige Lüe sächt jao, no birter äs
de Wärm aschken ut Gummi wärn dehen met Aorn, wann ih
verstaoht, wat ick mein. Wann’m de int Berre härr, dann kaim keen
Gedanke an kolle Föete up. Mach wull sien, män we kann all alls
häbben in’t Lirben? Un billiger is de Wärmpulle allemaol.
Heinz Kallho
Fuorst - Frost
fraisen - frieren
büs anne Krücke – auf höchste Stufe
praot – parat/fertig
Küten – Waden/untere Beinpartie
Schnurken – schnarchen
Dörsaagen – durchsägen
Iästappen – Eiszapfen
schaopswullene Söcken – Socen aus Schafswolle
kamucken – dick gefüttert
Binnenfoer - Innenfutter
Briännerie – Brennerei
Aorn - Ohren
