Dies und das auf Halterner Platt
Vörrige Dage häbb ick midden up de Riärkumer Straote eenen Kumpel
van mi tro en. Ick kenn em gued van’n Sportplatz un ut de Kneipe.
Drüm sin ick staohn blirben un häbb em fröndlick de Dagestied säggt.
Eegentlick wull ick mi met em drüöwer unnerhollen, wat et Niees in’t
Hälterske Sportliäben un bi Schalke gi . Män he harr’t wahne ielig,
kuum dat he staohn bleef. Unner’n Arm harr he eenen grooten Struuk
van roode Rosen, elegant inpackt in Folienpapeer. De Bloomen saogen
edel un wahne düer ut.
Nich dat ick nieschierig sin, üm Goddswillen nee, aowwer ick häbb
mi doch nich de Fraoge verkniepen konnt, o he wat Besünners härr.
Een birtken verliegen hätt he dann togirben, se – siene leiwe Frau
un he – härrn an düssen Dagg Petersiljenhochtied. Un daorüm möss
he gau nao Huus. Et stönn no een festlicket Aobendiärten un eene
Famillgen eer an.
Hö ick äs ick vanNatur ut sin häbb ick em graleert un een Kumpelment
an siene Frau updruogen. Dao wass he ook all wegg. Mi lagg de Fraoge
no up de Tunge, wat dat eegentlick is, eene Petersiljenhochtied. Män
dat konn (o wull) he mi – so in Iele äs he wass – nich mähr verkläören.
Usseene kennt sick jao in’t gesellschaftlicke Liäben een birtken ut.
Aowwer Petersiljenhochtied?Gröene,silwerne un ookGoldhochtieden,
de sind mi jao bekannt. Manksen sall et sogar no diamantene o ganz,
ganz selten ook Gnaodenhochtieden girben. Män wat hätt dat met dat
Petersiljen-Suppenkruut up sick?
Düsse Fraoge lait mi keene Rohe. Daorüm häbb ick bi mi ant Huus
forts den Computer ansmirten un düsse spassige Hochtied naogoogelt.
Un richtig, ick häbb bi Wikipedia ook funnen, wat ick soch:
Petersiljenhochtied, dat is, wann twee Mensken twiälf un een half
Jaohr verhieraod’t sind. Dao wäör ick siläwedagg nich drup kuomen.
Nich dat ick persönlick met Hochtiedsdage wat te kriegen härr,
goddluow nich, aowwer ick stell mi dat för de Mannslüe in’t Ehejoch
all swaor genoog vör, eenmaol in’t Jaohr an düssen Dagg te denken. Un
dann nao twiälf un half Jaohr?
Ick mögg wull drup wedden, dat de meesten Mannslüe ganz genau
den Dagg säggen küent, wann de Bundesliga endlicks wier anfäng
(15. August!) o wann Rosberg un Vettel dat naigste Maol Formel
1 föehrt. Män Petersiljenhochtiedsdage? Quinten, kann ick dao bloß
säggen.
Fraulüe denkt dao villicht anners. Se sind nu maol van Natur ut
wenniger handfest un hollt mähr van de romantisken Geföehle.
Daorüm hä t sick wisse ook Fraulüe dat met de Petersilje un all de
annern Hochtiedsdage infallen laoten. O villicht Bloomenverkööper
un Juweliere. De verdaint jao dran.
Üm ährlick te sien, ick harr miliäwedagg no nicks van all düsse Dage
häört: Boomwullene Hochtied (!) nao een Jaohr, Holthochtied nao
ef, kupperne nao siärben Jaohr (dat ver ixte siärbente Jaohr!) un so
widder. Nao tein Jaohr is de Rosen- o Bronzehochtied fällig, nao
twintig de Poßlainhochtied. Villicht daorüm, wiel dat de Ehelüe büs
daohen dat Utstüerpoßlain endgüllig kapott smietten hä t.
Daobie hollt de meesten Ehen jao vandage gar nich mähr so lange.
Wann wi de Statistik glöewen drüerft, un de löch jao bekanntlick nich,
dann is een Grootdeel van de Ehen all nao veer o ef Jaohr wier
utteen. Wat wisse beduerlick is.
Män man mott in alle Saaken ook dat Positive saihn.We sick scheiden
lött, de hätt met socke Quinten äs Petersijen-, Perlen- (30 Jaohr) o
Aluminiumhochtied (37 ½) nicks mähr te kriegen, van Rubinhochtied
(40) gar nich te küern. He spart daorüm dat Geld för Bloomen,
Familgen ern un düere Geschenke. Un de leiwe Frau kann ook nich
meckern, wann he den so un so virlten Hochtiedsdagg vergett. Un
düssen ehelicken Friärden is jao ook wat wärt, düch mi.
Heinz Kallho
24
