46
Dies und das auf Halterner Platt
Saoterdachs o sunndachs, wann ick äs een Stündken Tied häbb,
dann studeer ick äs ganz gärn dat Kirkenblättken. Dat is recht
erbaulick, un et kann jao nich verkatt sien te wirten, wat so in’t
kirklicke Lirben vör sick gaiht. Wann mi in de Kirke van vandage
ook etlicke Saaken nich so recht passt. Män dat is een anner ema
un häört hier nich hen.
Nülick nu wass in’t Kirkenblättken te lirsen, dat de Gemeinden
rüstige Rentner söekt. Nich üm de Kirken o Kösters Kämpken
up Vördermann te brengen, obschonst et grad de kirklicken
Gröenanlagen wull a un to nöedig härrn.Nee, de rüstigen Invaliden
süllt inne Wirke un manks ook sunndachs de Misse dainen. Äs
Senioren-Missdainer.Wirl dat et jao kuum no Jungs o Wichter gi ,
we in düsse Tied no Missdainers spirlen willt. De schoolplichtigen
Blagen un jungen Lüe hä t unner de Wirke jao meest doch keene
Tied för den hilligen Denst.
Eegentlick een kloogen Infall, wo de Kirke in ähre Personalnot drup
kurmen is.Äs ick dat in’t Kirkenblättken lursen häbb, dao moss ick an
miene eegeneTied äs Missdainer trüch denken.De is all wull mähr äs
sessdig Jaohr vörbie un daomaols recht unrühmlick endet. Et wass no
de Tied vör’t twedde Vatikanischke Konzil un vör de Liturgiereform.
De Missen wurn no up Latien lursen. Ook wi Missdainers mossen
Latien utwennig kürnen. Ick sin owwer ürwer dat Con teor nich
ruut kurmen.
Dat is owwer nich widders upfallen, wi hä t ümmer bloß vör us hen
murmelt. Ick dro no ennige Tied sogar in de Sunndachsmisse an’t
Hoogaltaor dainen. De Härr Pastor persönlick dai de Misse un ick
moss datmährerePund schwaoreMissbook van rechts,deEpistelsiete,
nao links up de Evangeliensiete drirgen. Dat wass daomaols so Usus,
de Priester hä t no met den Rüggen to’t Kirkenvolk up Latien
zelebreert un de Arbeit mossen wi Missdainers maaken.
Nu is mi bi dat Rümschlöern van dat kiloschwaoreMissale eenMallör
passeert. Ick häbb mi bi dat Runnerstiegen van de Altaorstufen up
mienen langen Missdainerrock tratt, sin in’t Stolterboltern kurmen
un häbb met Karacho dat schwaore Book fallen laoten. Dat ga
socken lauten Knall, dat wull jedereene in dat wiede Kirkenschirp,
de Pastor inschlurten, tesammenzuckt is. Un daomaols in de füftiger
Jaohren gongen anners äs vandage no allerhand Lüe inne Kirke.
Nao düsse Misse sach de Pastor inne Sakristei streng to mi, ick
bruuken nich mähr te kurmen. Ick sin met hangende Aorn no Huus
gaohn. Owwer miene Missdainerkarriere wass dann doch no nich
ganz vörbie. Ümmer wann muorns Beärdigungen wassen, dann
kamm de Köster van St. Sixtus in usse Marienschoole un hätt drei
Jungs för’t Missedainen socht. Ick häbb mi ümmer forts meld’t, nich
för de Misse, owwer daoför dat Krüüs vör den Beärdigungszuch här
längs de Lippstraote nao’n Kirkho up’t Lippspieker te drirgen. Un
wirl dat ick eene van de Gröttsten wass,wuor ick fast ümmer nurmen.
Dat harr den Vördeel, dat wi een o twee Stunnen nich inne Schoole
sitten mossen. Un nao dat Begrä nis ga t för us Missdainers manks
sogar ne Mark Drinkgeld. O twee, drei Stüeck Beärdigungskooken,
Bienenstich o Appeltate.Dat wass ook nich te verachten un allemaol
birter äs inne Klasse te sien.
De Saake met de Seniorenmissdainers gait mi dör den Kopp. Ick
sin no ant Ürwerleggen, o ick dao Spass an häbben könn. Un
vandage mürt’t jao nao de Liturgiereform de Missdainer keene
schwaoren Missböeker mähr dör de Girgend schlöern. Dat maakt de
Pastöre nu höchstpersönlick. De kleenen Water- un Wienkännkes
van A no B te drirgen un a un to met son hennig Glöcksken te
schellen, dat könn ick up miene ollen Dage wull no scha en.
Heinz Kallho
Glossar:
saoterdachs - samstags
sunndachs – sonntags
Kirkenblättken – Kirchenzeitung
verkatt - verkehrt/falsch
Kösters Kämpken – Friedhof
obschonst – obwohl
Missdainer – Messdiener
Latien – Latein
Con teor – lat. Stufengebet
Hoogaltaor – Hochaltar
Missbook – Messbuch/Missale
rümschlöern – herumtragen
stolzerboltern – ungeschicktes Stolpern
Kirkenschirp – Kirchenschi
Wirl dat – wegen/weil
Appeltate - Apfelkuchen
Water- un Wienkännkes – Wasser-/
Weinkännchen
hennig Glöcksken – kleines Göckchen
