Dies und das auf Halterner Platt
Nülick häbb ick äs bi us ant Huus dat olle A stellkämmerken
burben unner’t Dack uprüümt. Et wett all lange nich mähr bruukt
un et kümp ook selten äs eene dao rin. Wu dat so is, in socke
Kämmerkes sammelt sick met de Tied allerhand Brocken an, we
wi no nich wechschmieten owwer doch ut de Hand häbben willt.
Daorüm wuor dat ook höchste Tied, dao burben äs wier för Uorder
te surgen.
Ick häbb mi wahne wünnert, wat ick dao bi dat Uprüümen alls
för’n Gerai funnen häbb, en garneert met Muusekürtel un
Spinnkoppelnester: Halwe Tapetenrullen van vör den lesden Krieg,
Waschkschürddeln ut Zink, we fröher bi us dat Badezimmer
ersetten mossen, Schmaoltpötte un eenen grooten Waidenkurf
met Dirkel, wo fröher de Fraulüe ähre Utstüer drin sammeln daien.
Et wassen owwer keene Bettlaken o Drügedöker mähr drin,
daoför allerhand annere Brocken, de vandage keen Menschk mähr
bruuken kann.
In eenen ollen Schohkarton funn ick ook frumme Saaken, ick glöew
för sowat säch’m wull „Devotionalien“. Mährere urolle Birdeböker
in Frakturschrift met Goldschnitt, een Wiehwaterpöttken un
kitschige Hilligenbelder, eene Modergottsstatue ut Gips met ’ne
kapotte Nirse, Dodenzirdel, Kärßenstummel un een bunt Fähnken
ut Papeer. Schöen met druckte Belder drup, undütlick wass no te
enzi ern „Grüße vom St. Annaberge zu Haltern“.
Dao foll et mi upmaol wier in: Et is gurd mürglick, dat ick dütt
Fähnken persönlick vör füftig, sessdig Jaohr in miene Blagentied
rümdrurgen häbb.Wann Moder o eene van usse Tanten näömlick
eenmaol in’t Jaohr up den Annenbiärg pilgern daien, tefoote, meest
up’n sessentwintigsten Juli, den Festdach van de Hillige Moder
Anna, dann hä t se us Blagen van düsse Wallfahrt manksen wat
metbracht. Ko t in eene van de höltenen Buden, we daomaols no
burben up den Kapellenplatz stonnen un in de Pilgertied, also den
Summer ürwer, socke frummen Metbrengsel verkoopen daien.
Vandage sind düssse Verkoopsbuden all lange verschwunnen.
Worüm dat so is, weet ick nich so recht. O dat Hanneln met
socken Krimskrams de frummen Gedanken van de Pilger a enkt?
O is met Rosenkränze, Hilligenbeldkes un bunte Fähnkes in
usse nöchterne Tied keen Geschäft mähr te maaken? O könn
et sien, dat up den Annenbiärg vandage eenfack te wennig loss
is un sick de Verkoopsbuden daorüm nich mähr renteert? Fröher
kamm eene Footwallfahrt nao de annere den Knapp rupp, vandage
män alle paor Wirken bloß no eene. Un de gaiht ook nich tefoote,
sünnern kümp met’n klimatiseerten Luxus-Reisebus büs vör de
Kapellendöer föehrt.
Fröher sach’m ümmer, dat bi dat Wallfahrn Lief un Sirle to ähre
Rechte kurmen willt. Daorüm sind ook de meesten Pilger up’n
Annenbiärg, wann se ut de Kapelle, ut de Misse o van den
Krüüßwech kammen un wahne Ko e- o Beerdurst harrn, up
graden Wech in de Kneipe, den „Annaberger Hof“, gaohn. Ook dat
is vörbie. De urolle Kneipe gi t all lange Jaohren nich mähr. Daoför
hätt de Kirke vör Jaohr un Dach eene moderne „Pilgereinkehrstätte“
baut, we owwer van Anfang an nich richtig loopen is. Nu is ook
düsse moderne Pilgerkneipe all siet vörrigen Summer to, un et süht
nich so ut, äs wann sick wanners een nieen Wärt för dat Lokal
nnen dai. Eegentlick schade drüm, wo de Annenbiärg met sienen
Kapellenplatz wull eene van de schöensten Plecken bi us in Haltern
is.
Dat mach nu sien äs’t will, mi bli daorüm bloß no, all de Fraulüe
unner us, we Anna,Änne,Annelie o Anni heit’t un daorüm düssen
Monnat, näömlick up den Sessentwintigsten, Naomensdach ern
kürnt, nu all hiärtlick te graleern.De Festdach van de Hillige Moder
Anna is jao bi us in Haltern ümmer no wat Besünners, ook aohne
Pilgern, Rosenkränze, Fähnkes un annere frumme Devotionalien.
Heinz Kallho
22
